1Sa 2 | TVK | STEP |

1 Samuel 2

11 Di, Elkanah xatel latdilomun latbe tim e taon tahal Ramah. E Samuel, xi da nga Saeloh di pol mi Iahova pe he pris Ilae.

19 E huram xil ngasen, ninen midil eising te mieh hu tei nan. E melele xa nggusil tiramue nan ba tengan ti latsa sanien natel e ti latomot mi Hi, Hanah ngguri ba misa ni mini. 20 E melele xa Ilae pus Elkanah xal Hanah, misa tuxolxatien tei mi xalu e di biteni mi Elkanah bit, “Nasis xa Iahova isa horamue sav xil mun minuk ixo atou ak tengan xil lixoles ngan xa mutesa ni mini.” Di, Elkanah e nan xil ladilomun labe tim sae.

21 E Iahova minem xat Hanah, ma maen ni miling horamue tol mun e atuli lu. E Samuel di matu e di pol ni polien xil na Iahova.

26 E melele xa Samuel di matu be eilep, Iahova del moletin xil di lamaal ve sexien hos nan.

E Nim Tavolin na Hi, horamue xalu na Ilae lutehe pris. E xalu di lutepol tesa pe met Hi, e Ilae tenasikoe xol sexien tesa nalu ti. Ma vatei, Hi tesil provet tei mi Ilae xa ba tehiteni mini tehit, “Vengan xa otasikoe xol horamue nam xalu ti ve sexien xil xa misa, Iahova ihas viton xalu vus lalilel e melengien tei takes. E vatimol xil vus nam lilel e melele xa lihe maxoe tang.”